Um tímaritið Lögfræðing

1.3.2013 - Lögfræðingur skrifar...

Tímaritið Lögfræðingur er gefið út á vegum Þemis, félags laganema við Háskólann á Akureyri. Fyrsta tölublað tímaritsins kom út haustið 2006, og síðan þá hefur útgáfa þess verið árlegur viðburður. Nafngift tímaritsins má rekja til samnefnds rits eyfirðingsins Páls Briem sem var gefið út á árunum 1897-1901, og fjallaði um lögfræði, löggjafarmál og þjóðhagsfræði. Páll var mikilsvirtur lögfræðingur og hlaut meðal annars styrk úr landssjóði til rannsókna á íslenskum lögum árið 1885 að loknu laganámi við Hafnarháskóla.  Gegndi hann embætti amtsmanns í norður og austuramti með aðsetur á Akureyri 1894-1904. Lögfræðingur var fyrsta tímaritið um lögfræði gefið út á Íslandi og var það ekki fyrr en árið 1947 að slík útgáfa hóf göngu sína að nýju hér á landi, með tilkomu Úlfljóts tímarits laganema við Háskóla Íslands.

Lögfræðingur er ritrýnt fræðirit en ætlar sér með þessari nýju vefútgáfu að leggja lóð sitt á vogarskál vandaðrar þjóðfélagsumræðu og taka  til umfjöllunar mál sem snúa að löggjafarmálum og lögfræði. Leitast verður við að fjalla um valin málefni með upplýstum hætti og vera almenningi jafnt og lögfræðingum til gagns með aðgengilegri og vandaðri umfjöllun.

Lagadeild Háskólans á Akureyri leggur áherslu á að nemendur öðlist grunnþekkingu á lögfræðinni í alþjóðlegu samhengi, með áherslu á íslenska og evrópska réttarframkvæmd og eru lög og réttur skoðuð  sögulegu, félagslegu og heimspekilegu samhengi. Hefur það endurspeglast í efnistökum Lögfræðings til þessa. Skilin milli lands og þjóðaréttar verða stöðugt minni og býr tímaritið vel að þeim góðu tengslum sem háskólinn hefur við erlenda fræðimenn sem koma til kennslu við deildina.

Við ýtum Lögfræðingi úr vör á nýjum vettvangi með viðtali við Jón Steinar Gunnlaugsson um ár hans í Hæstarétti og pistli eftir Stefán Eiríksson lögreglustjóra á höfuðborgarsvæðinu um forvirkar rannsóknarheimildir lögreglu.  Á næstunni mun svo birtast viðtal við hr. Ólaf Ragnar Grímsson forseta Íslands um málefni norðurslóða. Að auki kemur út fyrsta ritrýnda grein árgangsins; Hverjir geta verið arfþegar að fyrirframgreiddum arfi ? Eftir Birgi Örn Guðmundsson, lögfræðing hjá sifja og skiptadeild sýslumannsins í Reykjavík.


Efnisyfirlit


Núverandi tölublað

Birgir Örn Guðmundsson:
Hverjir geta verið arfþegar að fyrirframgreiddum arfi?
Jón Steinar Gunnlaugsson:
Jón Steinar Gunnlaugsson um árin í Hæstarétti
Ólafur Ragnar Grímsson:
Our Ice-dependent World
Stefán Eiríksson:
Forvirkar rannsóknarheimildir lögreglu og persónuvernd

Síðasta tölublað

Andrés Már Magnússon:
Vernd kjarasamninga, hver eru lágmarkskjör?
Ásdís Auðunsdóttir:
Frá ritstjóra
Bjarni Sigursteinsson:
Samræmist bann við skipulögðum glæpasamtökum gildandi mannéttindum á Íslandi?
Giorgio Baruchello:
The President of the Republic in the Italian Constitution
Hjördís Olga Guðbrandsdóttir:
Ávarp formanns Málfundafélags Þemis
Kolbrún Eva Ríkharðsdóttir:
Störf Þemis síðastliðið ár
Skúli Magnússon:
Stjórnskipuleg staða þjóðaréttar að íslenskum lögum
Þorsteinn Hjaltason:
Samsömun

Fréttir

22.3.2015 Ritrýnireglur Lögfræðings 2015
28.1.2014 Stutt viðtal við Tim Ward - Q&A with Tim Ward
1.3.2013 Um tímaritið Lögfræðing


Lögfræðingur ©2017 - Ljósmynd í haus: Stefán Erlingsson - Vefsíðugerð: 800.is/DESIGN